ՀՀ կառավարությունն այսօրվա նիստում հաստատեց Բրյուսովի անվան համալսարանի ռեկտորի պաշտոնում Դավիթ Գյուրջինյանի ընտրության արդյունքները:
Մոտ 3 շաբաթ առաջ «Վ. Բրյուսովի անվան պետական համալսարան» հիմնադրամի ռեկտորի ընտրությունների արդյունքում դոցենտ Դավիթ Սևանի Գյուրջինյանը միաձայն ընտրվել էր բուհի ռեկտորի պաշտոնում։
Գյուրջինյանը 2023 թվականի մարտի 16-ին նշանակվել էր Բրյուսովի համալսարանի ռեկտորի պաշտոնակատար։
2023-ին բուհի ռեկտորի ընտրության հետ կապված դատարան երկու հայց կար ներկայացված:
Մեկը ռեկտորի ընտրության ժամանակ առաջադրված թեկնածու, ՀՀ ԿԳՄՍՆ Լեզվի կոմիտեի նախագահ Դավիթ Գյուրջինյանն էր ներկայացրել՝ պահանջելով չեղարկել վերընտրված ռեկտոր Կարինե Հարությունյանի հետ աշխատանքային պայմանագիրը։
Մյուս հայցը ներկայացրել է բուհը, որպեսզի Կառավարությունը հաստատի ռեկտորի ընտրության արդյունքները։
