«Հարավային Կովկասում կայուն խաղաղության վերականգնման հիմնական գործոնը Հայաստանի կողմից օկուպացված ադրբեջանական գյուղերի վերադարձն է»։
Այս մասին Report-ի Անկարայի բյուրոյին հայտնել է ՄԱԿ-ում Թուրքիայի մշտական ներկայացուցիչ Ահմեդ Յըլդըզը։
Նա ընդգծել է, որ Ղազախի շրջանի չորս գյուղերը Ադրբեջանին վերադարձնելու շուրջ պայմանավորվածություն ձեռք բերելն առաջին հերթին պատմական հնարավորություն է հենց Հայաստանի համար:
«Պետք է նշել, որ Հայաստանը գիտակցել է իր պատասխանատվությունը և շարժվում է ճիշտ ուղղությամբ, դա առաջին հերթին դրական ազդեցություն կունենա այս երկրի տնտեսության վրա»,-նշել է նա։
Ահմեդ Յըլդըզն ընդգծել է, որ այս հարցերը լայնորեն քննարկվել են Եվրոպայի խորհրդի խորհրդարանական վեհաժողովում (ԵԽԽՎ) թուրքական պատվիրակության ղեկավար լինելու ժամանակ և հավելել.
«Թուրքիան, ադրբեջանական պատվիրակության հետ միասին, շատ է քննարկել այդ հարցերը Ադրբեջանի դեմ իրականացված անարդարության մասին, Թուրքիան իր սկզբունքային դիրքորոշմամբ կարևոր դեր է խաղացել բազմաթիվ խնդիրների լուծման գործում Հարավային Կովկասի տարածաշրջանում մշտական խաղաղության վերականգնման համար»։
