Այն, որ Հանրապետությունում կան վարորդներ, որոնց ուղեղները կամ «շպրիցով» հանած է, կամ «ուղեղից կաղում են», ապացուցվում է հայտնի «Կարմիր կովը իր կաշին չի փոխի» ասացվածքով:
Երեկ՝ ապրիլի 15-ին, ականատես ենք եղել, թե ինչպես է «Mercedes G63» մակնիշի ռուսական համարանիշներով ավտոմեքենայի վարորդը Հյուսիս-հարավ նոր կառուցվող ճանապարհին Հարավարևմտյան թաղամասից դեպի 3-րդ գյուղ տանող հատվածում երթևեկում հանդիպակաց՝ վթարային իրավիճակ ստեղծելով մյուս վարորդների համար:
Ո՞վ է այս ուղեղից թոփալը. դրան պետք է կարճ ժամանակում ՀՀ Ներքին գործերի նախարարության ոստիկանության Պարեկային ծառայության Երևան քաղաքի գնդի պարեկները ՊԾ պետ Արթուր Խուդինյանի, ՊԾ Երևանի գնդի հրամանատար Անդրանիկ Իսախանյանի գլխավորությամբ հայտնաբերեն և օրենքի ողջ խստությամբ ենթարկեն վարչական պատասխանատվության. նույնիսկ նման լկտի վարորդի ավտոմեքենան անհրաժեշտ է, որպեսզի երկար ժամանակ «փտի» «պլաշչադկայում», ինչը դաս կլինի դրա նման անուղեղներին, որ նման լկտի վերաբերմունք չպետք է ցուցաբերվի հասարակության նկատմամբ և նման խուժան ձևի չվարեն ավտոմեքենան ու վթարային իրավիճակներ չստեղծեն օրինապաշտ վարորդների համար:
Գ. Շամշյանի տեղեկություններով՝ նշված ավտոմեքենան հաճախակի վարել է քրեական պատմություններով հայտնի Արա Բանդուրյանի որդին՝ Լյովա Բանդուրյանը, ում դեռ ամիսներ առաջ էին Երևանի գնդի պարեկները տեղափոխել ՊԾ Երևանի գնդի պահպանվող հատուկ տարածք:
Այս պարագայում, եթե պարզվի, որ վարորդը եղել է նույն «մանկիկը», ապա կարելի է վստահ ասել՝ այս պարագայում նույնպես «Կարմիր կովը իր կաշին չի փոխի»:
Ինչպես ավելի վաղ հայտնել էր SHAMSHYAN.com-ը, մարտի 7-ին ՀՀ Ներքին գործերի նախարարության Ոստիկանության Պարեկային ծառայության Երևանի գնդի 4-րդ գումարտակի 1-ին վաշտի պարեկները՝ գումարտակի հրամանատար Արմեն Գասպարյանի և վաշտի հրամանատար Արսեն Ստեփանյանի գլխավորությամբ, Երևանում իրականացրել էին «Շնաձուկն էլ չի կարող քո «۫յաշիկ»-ը փրկել» օպերացիան:
Պարեկային ծառայության Երևանի գնդում օպերատիվ տեղեկություններ էին ստացվել, որ Երևանում Mercedes G63 մակնիշի ռուսական համարանիշներով ավտոմեքենայի վարորդը, չունենալով վարորդական իրավունքի վկայական, վարում է այն:
Ժամերի ընթացքում ՊԾ Երևանի գնդի հրամանատար Անդրանիկ Իսախանյանի հանձնարարականով պարեկները գործի էին անցել ու 4-րդ գումարտակի 1-ին վաշտի պարեկներ Արման Կարապետյանն ու Տարիել Ներսիսյանը հայտնաբերել էին «յաշիկ»-ը Արաբկիր վարչական շրջանում և տեղափոխեել Ոստիկանության Երևան քաղաքի գնդի հատուկ պահպանվող տարածք:
Պարզվել էր, որ վարորդը եղել է Գեղարքունիքի մարզի Նորատուս գյուղի բնակիչ 18-ամյա Լյովա Բանդուրյանը, ով ավտոմեքենա վարելու իրավունք չի ունեցել:
Լ. Բանդուրյանը քրեական պատմություններով հայտնի նորատուսցի Արա Բանդուրյանի որդին է: Ավտոմեքենայի համարանիշների վրա էլ փակցրել էր շնաձկան տիպ, այստեղ են ասում «ԿԱՐՄԻՐ ԿՈՎԸ ԿԱՇԻՆ ՉԻ ՓՈԽԻ», կամ «ՍԵՎԻՆ ՍԱՊՈՆՆ Ի՞ՆՉ ԱՆԻ, ԽԵՎԻՆ ԽՐԱՏՆ Ի՞ՆՉ ԱՆԻ»:
Լուսանկարներն ու տեսանյութը՝ Գագիկ Շամշյանի
