Ալեն Սիմոնյանը Հայ-ռուսական միջտարածաշրջանային համաժողովում ելույթ է ունեցել հայերենով

Հայ-ռուսական միջտարածաշրջանային 10-րդ համաժողովը վկայում է հայ-ռուսական հարաբերությունների խորացման նկատմամբ ունեցած հանձնառության մասին։ Համաժողովի բացման խոսքում այս հայտարարությունն արեց ՀՀ ԱԺ նախագահ Ալեն Սիմոնյանը։

Նա շեշտեց, որ հայ-ռուսական գործընկերային հարաբերությունները հարուստ պատմություն ունեն՝ հիմնված փոխադարձ հարգանքի, վստահության և մեր ժողովուրդների դարավոր բարեկամության վրա։

ԱԺ խոսնակի կարծիքով՝ հենց միջտարածաշրջանային կապերն են, որ այս հարաբերություններին հաղորդում են կենդանի շունչ, գործնական բովանդակություն և կարևորություն։

«Այդ հարաբերություններն անդրադառնում են մարդու ամենօրյա կյանքի կարևոր ոլորտներին՝ տնտեսությունից, կրթությունից, մշակույթից մինչև զբոսաշրջություն և առողջապահություն։ Այստեղ են ձևավորում այն նախաձեռնությունները, որոնք հետագայում իրականություն են դառնում՝ վերածվելով արդյունաբերության, գյուղատնտեսության, էներգետիկայի, գիտության և նորարարությունների ոլորտներում հստակ ծրագրերի»,- նշեց Սիմոնյանը։

Մանրամասները տեսանյութում՝

Loading

Մի մոռացեք կիսվել Ձեր ընկերների հետ