«Սուրբ Աստվածամայր» բժշկական կենտրոն ընդունված 1 տարեկան երեխայի վիճակը ծայրահեղ ծանր է:
Նա երրորդ հարկի պատուհանից վայր է ընկել երկրորդ հարկի ծածկի (козырёк) վրա, ապա՝ գետնին:
ԲԿ-ից հայտնում են, որ մեքենայով երեխային նախ տեղափոխել են «Մուրացան» ԲԿ, այնտեղից էլ շտապօգնության մեքենայով «Սուրբ Աստվածամայր» ԲԿ։
Կատարվել է պոլիօրգան համակարգչային տոմոգրաֆիայի հետազոտություն (ԿՏ): Հայտնաբերվել է աջից գագաթոսկրի կոտրվածք, ձախից՝ ճակատոսկրի կոտրվածք՝ անցումով առաջային գանգափոս, ճակատային շրջանի էպիդուրալ հեմատոմա և լյարդի սալջարդ։
Երեխայի վիճակն այս պահին գնահատվում է ծայրահեղ ծանր։ Գտնվում է վերակենդանացման բաժանմունքում՝ «Սուրբ Աստվածամայր» բժշկական կենտրոնի բժիշկների վերահսկողության տակ։
ԵՊԲՀ աշխատակազմի ղեկավարն ավելի վաղ հայտնել էր, որ այսօր՝ ժամը 9:45, «Մուրացան» համալսարանական բուժհաստատություն է տեղափոխվել անհայտ պացիենտ՝ 1 տարեկան:
