ԱԺ նախագահ Ալեն Սիմոնյանը «Ֆեյսբուք»-ի իր էջում անդրադարձել է «Գելլափ ինթերնեշնլ»-ի հրապարակած վերջին հարցումներին և դրանցում արտացոլված թվերի համար ուրախացող քաղաքական դեմքերին:
««Գելլափ ինթերնեշնլ»-ի հարցումներով ապրող, ուրախացող, իրենք իրենց ոգևորող, դրա վրա փող ծախսող մարդիկ տարրերը պետք է ուղղակի այդ հարցումների որակի և ճշտության մասին այս նկարը նայեն:
Այս կազմակերպությունը 2021 թվականի ընտրություններից առաջ ահա այսպիսի կանխատեսում էր անում, ի դեպ, վերջին 5-րդ փուլում:
Ըստ այդ հարցման՝
1) «Հայաստան» դաշինք- 28.7 %,
2) «Քաղաքացիական պայմանագիր»- 25.2%,
3) «Պատիվ ունեմ»- 10.8%,
4) «Բարգավաճ Հայաստան»- 5.4%,
5) «Լուսավոր Հայաստան»- 5.2%։
Իսկ իրականությունը 2021-ին՝
«Քաղաքացիական պայմանագիր»- 53․91%,
«Հայաստան» դաշինք- 21․09%,
«Պատիվ ունեմ» դաշինք- 5.22%,
ԲՀԿ- 3.95%,
«Լուսավոր Հայաստան»- 1.22%
Հիմա թե բա՝ նոր հարցում»,- գրել է Սիմոնյանը:
