ՀՀ վարչապետ Նիկոլ Փաշինյանը Կառավարության նիստից հետո ճեպազրույցում անդրադարձել է Ղարաբաղում եկեղեցիների ոչնչացման հարցին:
Նիկոլ Փաշինյանը օրինակ է բերել՝ որը պետք է լինի մեր ռեակցիան, երբ սահմանազատման արդյունքում Հայաստանի վերահսկողության ներքո անցած Արծվաշենում տեսնենք՝ կառուցվել է մեծ մզկիթ:
«Եկեք մոդելավորենք էսպիսի մի իրավիճակ. ենթադրենք՝ սահմանազատման արդյունքում Արծվաշենը վերադառնում է Հայաստանի Հանրապետության վերահսկողության ներքո, և մենք գնում ենք, տեսնում, որ էնտեղ կառուցվել է մեծ մզկիթ, ասենք, 2016 թվականին։ Մեր ռեակցիան՝ ի՞նչ պետք է մենք անենք»,- ասել է վարչապետը։
Վարչապետի խոսքով՝ մեր ռեակցիան պետք է հիմնվի այն պայմանավորվածությունների վրա, որոնք թղթի վրա արձանագրված և հրապարակված են, բոլոր կոնֆլիկտները հիմնված են հայրենասիրական հռետորիկայի վրա:
«Մեր ռեակցիան պետք է հիմնվի էն պայմանավորվածությունների վրա, որոնք թղթի վրա արձանագրված և հրապարակված են… Հակառակ դեպքում, բոլոր կոնֆլիկտները հայրենասիրական հռետորաբանությունների վրա են հիմնված»,- ասել է վարչապետը։
