![]()
Եվրամիության անդամ երկրների կողմից ՀՀ քաղաքացիներին տրվող վիզաների գործընթացն, իսկապես, մտահոգիչ է:
Այս մասին ԱԺ-ում ասել է ՀՀ արտաքին գործերի նախարար Արարատ Միրզոյանը։
«Մենք այս հարցով հրավիրում ենք ԵՄ անդամ երկիր գործընկերների ուշադրությունը, ովքեր ներկայություն ունեն Երևանում»,- նշել է նախարարն ու հավելել, որ հնչում են պատճառաբանություններ՝ սկսած տեխնիկականից, վերջացրած ֆինանսականով։
Նախարարը հայտնել է՝ չի կարծում, թե քաղաքացու նկատմամբ հարգալից վերաբերմունք է դրսևորվում:
«Դեպքերի մեծ մասում էլ, առնվազն, մենք առարկություն չունենք, դրանք են իրենց ընթացակարգերը, վերջնական առումով իրենց որոշելիքն է»,- ասել է Միրզոյանը և նշել՝ ընդունում են խնդրի լեգիտիմությունը, լավագույն լուծում համարում վիզաների ազատականացման գործընթացի ավարտը, որտեղ Հայաստանն իր բաժին գործն ունի անելու։
Առավել մանրամասն՝ տեսանյութում:
![]()