Ուկրաինայի իշխանություններն արևմտյան երկրների կողմից օգնության և զենքի մատակարարումների կրճատման դեպքում պահեստային ծրագիր չունեն, Կիևն ակնկալում է, որ արևմտյան դաշնակիցները կշարունակեն ռազմական աջակցություն ցուցաբերել։
Այս մասին հայտարարել է Ուկրաինայի արտգործնախարար Դմիտրի Կուլեբան ամերիկյան CNN հեռուստաալիքին տված հարցազրույցում, որի տեսանյութը հրապարակվել է հեռուստաընկերության կայքում։
«Մենք «պլան Բ» չունենք: Մենք վստահ ենք «պլան Ա»-ում»,- ասել է Կուլեբան՝ ի պատասխան Արևմուտքի աջակցության կրճատման դեպքում հնարավոր պահեստային ծրագրի մասին հարցին:
Կուլեբան հավելել է, որ «Ուկրաինան միշտ պայքարելու է իր ունեցած ռեսուրսներով»։
