Հայաստանի Հանրապետության սիրելի քաղաքացիներ,
Շնորհավորում եմ բոլորիս Քաղաքացու օրվա առթիվ:
Քաղաքացու օր ունենալն օրացույցում ըստ էության նշանակում է, որ մեր պետության կարևորագույն առաջնահերթություններից մեկը՝ ժողովրդավարության, ժողովրդավարական արժեքների, իրավունքի ու օրենքի գերակայության հաստատումն ու ամրապնդումն է երկրում, քաղաքացիների շահերի ու իրավունքների առավելագույն պաշտպանությունը, քաղաքացուն որպես բացարձակ արժեք դիտարկելը։
Այսօր էլ, հստակ գիտակցելով օրվա կարևոր խորհուրդը, համերաշխությամբ ու միասնականությամբ լցվենք`
հանուն մեր պետության առաջընթացի, հաջողությունների ու բարեկեցիկ կյանքի. ինքներս ենք մեր պետության հզորության և առաջընթացի առաջին գրավականը՝ քանզի քաղաքացին է պետության ու պետականության գաղափարի կրողը:
Սիրելի՛ հայրենակիցներ,
Եվս մեկ անգամ շնորհավորում եմ Հայաստանի Հանրապետության Քաղաքացու օրվա առթիվ՝ մաղթելով կամք ու եռանդ` աշխատելու, արարելու, զարգանալու՝ ի շահ մեր պետության և մեր բոլորի իրավունքների։
ԱԺ պատգամավոր Ալխաս Ղազարյան
