ԱՄՆ նախագահ Դոնալդ Թրամփը մեկնաբանել է Իրանի ներկայացուցիչների հետ բանակցությունները, որոնք այդպես էլ առաջ չեն ընթանում։
«Մենք չգիտենք, թե ում հետ գործ ունենք։ Նրանք ասում են. «Սա Մուհամմեդն է»։ Ես ասում եմ. «Դուք առաջնորդ ե՞ք։ Մենք փնտրում ենք… մենք առաջնորդ ենք փնտրում»։ Սա աշխարհի միակ երկիրն է, որտեղ ոչ ոք չի ուզում առաջնորդ լինել», — ընդգծեց Թրամփը։
Ինչպես ավելի վաղ հաղորդվել էր, Դոնալդ Թրամփը, Սպիտակ տանը լրագրողների հետ զրույցում, դժգոհություն էր հայտնել Իրանի առաջարկի վերաբերյալ և հստակեցրել, որ ուժի կիրառման հնարավորությունը դեռևս քննարկվում է։
Նա նաև վերահաստատել է Իրանի ղեկավարության ներսում լուրջ տարաձայնությունների առկայությունը՝ նշելով, որ երկրում իշխանությունը բաժանված է մի քանի մրցակից խմբերի միջև: Ըստ Թրամփի, համաձայնության հասնելու ընդհանուր շահագրգռվածությանը հակառակ, ներքին հակասությունները և համակարգման բացակայությունը զգալիորեն բարդացնում են բանակցային գործընթացը:
