Եվրոպական քաղաքական համայնքի գագաթնաժողովի շրջանակում մայիսի 3-ին Երևան է ժամանելու նաև Ուկրաինայի նախագահ Վլադիմիր Զելենսկին: Այս մասին հայտնի է դառնում չեխական լրատվամիջոցների հրապարակումներից։
Մասնավորապես, iDnes.cz-ը հայտնել է, որ Չեխիայի վարչապետ Անդրեյ Բաբիշը նախատեսում է պաշտոնը ստանձնելուց հետո առաջին անգամ հանդիպել Ուկրաինայի նախագահ Վլադիմիր Զելենսկիի հետ՝ Երևանում կայանալիք գագաթնաժողովի ընթացքում, ինչպես նաև բանակցություններ վարել այլ եվրոպացի առաջնորդների հետ։
Պրահան նաև հայտնել է, որ Չեխիայի վարչապետ Անդրեյ Բաբիշի հետ Զելենսկու հանդիպումն արդեն նշանակված է:
Ավելի վաղ լրագրողների հետ զրույցում ՀՀ վարչպետ Նիկոլ Փաշինյանը տեղեկացրել էր, որ Եվրոպական քաղաքական համայնքի բոլոր անդամներին սպասում է Երևանում, ներառյալ Ուկրաինայի նախագահին։
