Ամեն ինչի «փորձագետ-փորձանքներ»-ը Թուրքիա իմ այցից եզրակացրել են, թե ՀԷՑ-ը վաճառվում է թուրքերին. Խուդաթյան

ՀՀ տարածքային կառավարման և ենթակառուցվածքների նախարար Դավիթ Խուդաթյանը, որըվերջին օրերին աշխատանքային այցով գտնվում էր Թուրքիայում, «Ֆեյսբուք»-ի իր էջում գրառում է կատարել՝ անդրադառնալով այցի համատեքստում հորինված պատմություններին:

«Լուրջ դեմքով մի խումբ ամեն ինչի «փորձագետ-փորձանքներ» Թուրքիա կատարած իմ աշխատանքային այցից ու Էներգետիկայի և բնական պաշարների նախարարի հետ հանդիպումից հերթական գիտաֆանտաստիկ եզրակացությունն են արել, թե իբր ՀԷՑ-ը վաճառվելու կամ տրվելու է թուրքական ընկերության:

ՀԷՑ-ը պետականացվելու է սիրելի «փորձագետ-փորձանքներ», դառնալու է Հայաստանի Հանրապետության ու մեր քաղաքացիների սեփականությունը, իսկ ձեր գիտաֆանտաստիկ հերթական զառանցանքը հօդս է ցնդելու` ինչպես նախորդ բոլոր դեպքրում:

Հանգիստ նստե´ք տեղներդ ու շարունակե´ք զգալ պետության համը ձեր բերանում»,- գրել է նա:

Loading

Մի մոռացեք կիսվել Ձեր ընկերների հետ