Պապոյանն ու պատգամավորները ծանոթացել են Կառավարության համաֆինանսավորմամբ Վեդիում իրականացված ծրագրերին

Հունիսի 26-ին ՀՀ էկոնոմիկայի նախարար Գևորգ Պապոյանը ՀՀ ԱԺ պատգամավորներ Վահագն Ալեքսանյանի, Ռուստամ Բաքոյանի, Ալխաս Ղազարյանի, Արուսյակ Մանավազյանի, ինչպես նաև Արարատի մարզպետ Սեդրակ Թևոնյանի, Վեդի համայնքի ղեկավար Գարիկ Սարգսյանի և Արտաշատ համայնքի ղեկավար Կառլեն Մկրտչյանի հետ այցելել է Արարատի մարզի Վեդի համայնք՝ ծանոթանալու կառավարության համաֆինանսավորմամբ իրականացված ծրագրերի արդյունքներին։

Ինչպես հայտնել են նախարարությունից, Պապոյանն այցելել է Վեդու շատրվանային պուրակ, որը կառուցվել է համայնքի բյուջեի միջոցներով՝ ներդրվել է 66 մլն դրամ։

Այցելություն է եղել նաև համայնքի ամֆիթատրոն, որն ամբողջությամբ կառուցվել է պետության ֆինանսավորմամբ՝ 207 միլիոն դրամի շրջանակում։

Նախարարն այցելել է նաև համայնքի մարզադպրոց և նոր կառուցված ֆուտբոլային մարզադաշտ։

Գևորգ Պապոյանը քննարկումներ է ունեցել համայնքի ղեկավարության հետ՝ շեշտելով պետություն-համայնք համագործակցության կարևորությունը՝ տեղական ենթակառուցվածքների զարգացման և բնակչության կենսապայմանների բարելավման համատեքստում։

Ընդհանուր առմամբ՝ 2022-2025 թվականներին Վեդի համայնքում իրականացվել է ավելի քան 25 սուբվենցիոն ծրագիր։

Loading

Մի մոռացեք կիսվել Ձեր ընկերների հետ