Ահա, թե ինչ տեսք ունի Սևանա լիճը տիեզերքից

Ռուս փորձարար տիեզերագնաց Սերգեյ Կուդ-Սվերչկովն իր ինստագրամյան էջում տեղադրել է Սեւանա լճի լուսանկարը, որն արված է տիեզերքից: Նկարահանելու միտքն առաջացել է թռիչքի ժամանակ։

«Սեւանա լիճը հաճախ անվանում են Հայաստանի «ջրային մարգարիտ», քանի որ այն ԱՊՀ երկրների տարածքում ամենամեծ բարձր լեռնային քաղցրահամ լիճն է:

Բնական ջրամբարի երկարությունը 75 կմ է, իսկ առավելագույն խորությունը՝ մոտ 100 մետր:

Սևանը եզակի բնական օբյեկտ է, որը ոչ միայն հանգստյան կենտրոն է տարեկան տասնյակ հազարավոր հանգստացողներով, այլև՝ քաղցրահամ ջրի կարևոր աղբյուր, որից կախված է Կովկասի կենսագործունեությունը»,- հրապարակմանը կից գրել է տիեզերագնացը։

Loading

Մի մոռացեք կիսվել Ձեր ընկերների հետ