Մեկ օրում Հայաստանի տարածքից Լեռնային Ղարաբաղ է տեղափոխվել 1199 փախստական, ռուս խաղաղապահների աջակցությամբ վերադարձած բնակիչների ընդհանուր թիվը գերազանցել է 3 հազարը:
Այդ մասին ճեպազրույցի ժամանակ հայտնել է Ռուսաստանի պաշտպանության նախարարության պաշտոնական ներկայացուցիչ, գեներալ-մայոր Իգոր Կոնաշենկովը:
«Մեկ օրում Հայաստանի տարածքից Լեռնային Ղարաբաղ ապահովվել է 1199 փախստականների անվտանգ վերադարձը, որոնք ավելի վաղ լքել էին իրենց տները Լեռնային Ղարաբաղում մարտական գործողությունների պատճառով։
Ընդհանուր առմամբ նոյեմբերի 14-ից ռուս խաղաղապահների աջակցությամբ նախկին բնակության վայրեր են վերադարձել Լեռնային Ղարաբաղի ավելի քան երեք հազար բնակիչներ»,- ասել է նա։
