Փետրվարի 17-ին Մյունխենում տեղի է ունեցել Ադրբեջանի և Ուկրաինայի նախագահներ Իլհամ Ալիևի և Վլադիմիր Զելենսկու հանդիպումը։
Այս մասին հայտնել են ադրբեջանական լրատվամիջոցները:
Վլադիմիր Զելենսկին շնորհավորել է Ալիևին՝ ընտրություններում տարած հաղթանակի կապակցությամբ և հաջողություն մաղթել նոր գործունեության մեջ։
Հանդիպմանը քննարկվել են Ադրբեջանի և Ուկրաինայի երկկողմ հարաբերությունները։
Զելենսկին նշել է, որ բարձր է գնահատվում Ադրբեջանի կողմից Ուկրաինային տրամադրվող մարդասիրական օգնությունը։
Զրույցի ընթացքում մտքեր են փոխանակվել երկու երկրների միջև առևտրատնտեսական, հումանիտար, էներգետիկ և այլ ոլորտներում համագործակցության հարցերի շուրջ։
