Իրանի նախագահ Էբրահիմ Ռաիսիի պաշտոնական այցը Անկարա հետաձգվել է։ Այս մասին հայտնում է ТАСС-ը՝ հղում անելով Թուրքիայի նախագահ Ռեջեփ Թայիփ Էրդողանի վարչակազմին։
Նշվում է, որ հունվարի 4-ին նախատեսված Ռաիսիի այցը հետաձգելու որոշումը կայացվել է երկու երկրների ղեկավարների հեռախոսազրույցների արդյունքներով։
«Նախագահ Էրդողանը խստորեն դատապարտել է խաղաղ բնակչության դեմ իրականացված ահաբեկչությունը և հայտարարել, որ Թուրքիան ահաբեկչության դեմ պայքարում Իրանի կողքին է»,- ասվում է վարչակազմի հայտարարության մեջ։
Հեռախոսազրույցի արդյունքում Էրդողանն ու Ռաիսին պայմանավորվել են այցը հետաձգել։
Fars News-ը հաղորդում է, որ Իրանի Քերման նահանգը ահաբեկչություն է որակել գերեզմանատան մոտ տեղի ունեցած պայթյունները, որտեղ թաղված է գեներալ Ղասեմ Սոլեյմանին։
