Հայաստանում պղնձի և մոլիբդենի խտանյութերի արտահանման համար լիցենզիոն տուրք է սահմանվել՝ այս պահին մետաղական շուկայում գործող գների մոտ 15 %-ի չափով:
Կառավարությունը վստահեցնում է՝ այս օրենքն արձագանք է համաշխարհային շուկայում պղնձի գների բարձրացմանը:
Համաշխարհային շուկայում պղնձի միջազգային գները 2021 թվականին անհամեմատ բարձր են՝ նախորդ տարվա համեմատ:
2020 թվականի ընթացքում պղնձի մեկ տոննայի գինը չի հատել 6600 դոլարի շեմը, հիմա այն 9400 է, ավելին՝ բարձացման միտումը շարունակվում է:
Որոշ կանխատեսումների համաձայն՝ մեկ տոննա պղնձի գինը 2025 թվականին կարող է հասնել մինչև 15 հազար դոլարի: