Շոգ եղանակը հատկապես վտանգավոր է տարեցների և երեխաների համար, ինչպես նաև նրանց համար, ովքեր տառապում են քրոնիկ հիվանդություններով, բարձր ջերմաստիճանում օրգանների արյան մատակարարումը կարող է խաթարվել, անոթազարկերթի թիվը կարող է աճել և երակները կարող են ընդլայնվել, ասել է Ռուսաստանի Դաշնության Առողջապահության նախարարության Թերապիայի և կանխարգելիչ բժշկության ազգային բժշկական հետազոտական կենտրոնի գլխավոր թերապևտ Օքսանա Դրապկինան:
«Շոգ եղանակին օրգանների արյան մատակարարումը կարող է խաթարվել, կարող է տեղի ունենալ էլեկտրոլիտների կորուստ, երակները ընդլայնում և արագ անոթազարկ: Սա կարող է հանգեցնել թրոմբոզի, իշեմիայի, սրտի անբավարարության և երակային քրոնիկ անբավարարության», – ասել է Դրապկինան։
Նա նշեց, որ բարձր ջերմաստիճանը հատկապես վտանգավոր է տարեցների և երեխաների, ինչպես նաև քրոնիկ հիվանդություններով տառապող մարդկանց համար, առաջին հերթին՝ սրտանոթային և ուռուցքաբանական:
Շոգ եղանակի անբարենպաստ ազդեցության առաջին նշանները կարող են լինել դյուրագրգիռ վիճակը, գլխացավը և աշխատունակության անկումը, բացատրել է Դրապկինան:
Գերտաքացումից խուսափելու համար պետք է հնարավորինս շատ ջուր խմել, բառացիորեն յուրաքանչյուր 15 րոպեն մեկ: Անհրաժեշտ է հրաժարվել ալկոհոլից, քաղցր ըմպելիքներից, լիմոնադներից, որոնք ավելացնում են ծարավը, ասել է բժիշկը: Անհրաժեշտ է օրվա ընթացքում մի քանի անգամ ուտել՝ փոքր բաժիններով՝ խուսափելով ծանր յուղոտ կերակուրներից և շատակերությունից:
Շոգի ժամանակ խորհուրդ է տրվում դադարեցնել ծխելը, ներառյալ էլեկտրոնային ծխախոտները, վեյփերը և նարգիլեն, ասում է Դրապկինան:
«Ծխելը բացասաբար է անդրադառնում օրգանիզմի բոլոր համակարգերի վրա, բայց առաջին հերթին՝ սրտանոթային և նյարդային համակարգի վրա: Որքան էլ, որ պարադոքսալ է, հենց ծխելն է ուժեղացնում դյուրագրգռությունն ու ընդհանուր թուլությունը շոգի ժամանակ: Ծխելը և շոգը միասին հանգեցնում են աշխատունակության նվազմանը և բացասաբար ազդում ճանաչողական գործառույթների վրա, հետեւաբար, շոգ եղանակին հատկապես ծխողները հաճախ վատ են զգում, և սրտի հիվանդության զարգացման ռիսկը բազմակի աճում է», – ասել է Դրապկինան:
