Հովիկ Չարխչյանը (հայ գրող, գրականագետ, լրագրող) իր ֆեյսբուքյան էջում կատարել էր մի գրառում, որից չկարողացանք անտարբեր անցնել։Այն սիրով կներկայացնենք նաև Ձեզ․
Իրավիճակը լարված էր: Արարատի գործկոմի նախագահ Դավիթ Զադոյանի աշխատասենյակում հավաքվել, հրատապ խնդիրներ էինք քննարկում: Հեռախոսն աղմկեց: Վազգենն էր.
— Նախիջևանի սահմանին լրացուցիչ խմբեր ուղարկեք: Հնարավոր է, որ ձեր ուղղությամբ հարված լինի: Ես վաղը զբաղված եմ լինելու, հարսանիք պիտի գնամ:
Ուշքներդ վրաներդ պահեք: Անջատեց: Ի՞նչ հարսանիք, ի՞նչ բան էս նեղ պահին: «Շեֆը քեֆի մեջ է»,- կատակեց ինչ-որ մեկը:
Առավոտյանի իմացանք. մերոնք վերցրել էին Շուշին: «Հարսանիքը լեռներում»:Հովիկ Չարխչյան
