Այսօր՝ հունվարի 20-ին, ԱԺ-Կառավարություն հարցուպատասխանի ժամանակ ԲՀԿ խմբակցության պատգամավոր Իվետա Տոնոյանը թվարկեց բոլոր տապալումները և նշեց. «Այս իշխանությունը՝ վարչապետի գլխավորությամբ, չի կարող լինել մեր հանրապետության ֆիզիկական, տնտեսական, սոցիալական, բարոյահոգեբանական անվտանգության երաշխավորը»:
Նա ընդծեց. «Ուզում եմ, որ վարչապետը բաց տեքստով ասի՝ արդյոք Տիգրանաշենին չի՞ սպառնում Որոտանի և Շուռնուխի ճակատագիրը»:
Ի պատասխան վարչապետն ասաց. «Շուռնուխի ճակատագիրը որոշել եք դուք ձեր խմբակցությունով: Էն ժամանակ որ ընդունում էիք էդ օրենքը, դրա մասին չէի՞ք մտածում: Բա ինչի չեք հարցնում, թե Արծվաշենի հետ ինչ է լինելու:
Հերիք ա ասեք՝ Շուռնուխ-Շուռնուխ, դուք եք որոշել, որ Շուռնուխից էն կողմ Ադրբեջանն ա, բա որ կողմ էիք քվեարկում, էն ժամանակ չէի՞ք մտածում: Ուզում եմ հասկանալ` մեր ընդդիմությունը սնվում է բացառապես Ադրբեջանի խոսույթի՞ց»:
