Թուրք-ադրբեջանական զորավարժությունների ֆոնին Հայաստանի արտաքին գործերի նախարարը կոչ է անում Հայաստանի հետ սպառնալիքի լեզվով չխոսել։
Միաժամանակ, հայկական զինված ուժերը նույնպես հրամանի են սպասում։ Սա էլ պաշտպանության նախարար Դավիթ Տոնոյանի ուղերձն է ադրբեջանցիների հոխորտանքներին։ Հայաստանը պատրաստվում է խաղաղության, բայց մահակն էլ ձեռքում է պահում։
Հրամանի պատրաստ են ու շարունակում են պատրաստվել նաև Արցախում։ Նախորդ պատերազմից հետո այնտեղ որոշակի սահմանային շտկումների կարիք կա։ Արցախի նախագահը հիշեցնում է, որ դեռ Ադրբեջանի վերահսկողության տակ են մնում Մարտակերտի և Մարտունու շրջանների որոշ հատվածներ։
Իսկ բանակում լուռ են, զինվորականների ձայների փոխարեն լսվում են զինվորական տեխնիկայի հռնդյունն ու հրթիռների թնդյունը։
Հեռահար հրթիռային համալիրներն այսպես են պատրաստվում խաղաղության։
