Արմավիրի մարզից դպրոցական, եզդիական համայնքի ներկայացուցիչ Քրիստինա Հասոյանի առաջին այցը ՄԻՊ հաստատություն՝ լի փորձով, հանդիպումներով ու նոր բացահայտումներով: Այս մասին տեղեկացնում են ՄԻՊ-ի գրասենյակից։
«Այսպես է մեկնարկում «Օրն իրավունքների պաշտպանության առաջնագծում» նախագիծը, որը լինելու է շարունակական։
Եթե երիտասարդ ես` աշակերտ կամ ուսանող, հետաքրքրված ես մարդու իրավունքներով,
ուղարկիր մոտիվացիոն նամակ և պատմիր քո մասին՝ նշելով թե ինչո՞ւ հենց դու պետք է լինես նախագծի հաջորդ մասնակիցը։
Նամակների ուսումնասիրությունից հետո ընտրված մասնակիցները կհրավիրվեն հարցազրույցի:
Քո պատմությունն ուղարկիր՝ youthvoice@ombuds.am հասցեին և տարածիր այս տեղեկատվությունը` հնարավորինս շատ երիտասարդների համար այն հասանելի դարձնելու նպատակով»,-ասված է հաղորդագրության մեջ:
