Աշխատանքի և սոցիալական հարցերի նորանշանակ նախարար Արսեն Թորոսյանը, Կառավարության նիստից հետո՝ լրագրողների հետ ճեպազրույցի ընթացքում անդրադառնալով հավանական կադրային փոփոխություններին, ասաց, որ որևէ մեկին չի հորդորել ազատման դիմում գրել:
Հարցին՝ արդյոք ստացե՞լ է 2026 թվականից կենսաթոշակները բարձրացնելու առաջադրանք, նախարարը պատասխանեց.
«Մենք զբաղվելու ենք Կառավարության ծրագրի իրականացմամբ և տարբեր գործիքներով, որոնք մինչ օրս էլ իրականացվել են. դա հատկապես հետվճարի համակարգն է անկանխիկ գործարքների միջոցով, որը մենք փորձում ենք խթանել և շարունակելու ենք խթանել՝ գուցե նաև փոփոխություններ իրականացնելով սահմանաչափերի մեջ դեպի աճ, աճման ուղղությամբ:
Երբ որոշումները կկայացվեն, դրա մասին պատշաճ կտեղեկացվի հանրությունը»:
