![]()
Շիրակի թեմի առաջնորդ Միքայել Աջապահյանի բնակության հասցեում կատարվում են անհրաժեշտ քննչական և վարութային գործողություններ:
Այս մասին «Հայկական ժամանակ»-ին հայտնել են Քննչական կոմիտեից:

Իրավապահները, ինչպես հայտնել ենք, Հայ առաքելական եկեղեցու Շիրակի թեմի առաջնորդարանում քննչական գործողություններ են իրականացնում Միքայել արքեպիսկոպոս Աջապահյանի վերաբերյալ հարուցված քրեական վարույթի շրջանակներում:

Նշենք՝ առաջնորդարանի մոտ հավաքվել են քաղաքացիներ, որոնց շարքերում կա բերման ենթարկված: Ոստիկանությունը բերման է ենթարկել ներկաներից Մհեր Խաչատրյանին, որին հորդորում էին անցնել փողոցի մյուս մայթ:

Արտաշես սարկավագ Աջապահյանը ուղիղ եթերում պնդել է, որ Ոստիկանությունը Էջմիածին՝ վեհարան է գնացել Միքայել սրբազանի հետևից:

Ավելի վաղ հայտնել էինք, որ Շիրակի թեմի առաջնորդ Միքայել արքեպիսկոպոս Աջապահյանի նկատմամբ 2025 թվականի հունիսի 17-ին նախաձեռնվել է քրեական վարույթ՝ Քրեական օրենսգրքի 422-րդ հոդվածի 2-րդ մասով (իշխանությունը զավթելուն, տարածքային ամբողջականությունը խախտելուն, ինքնիշխանությունից հրաժարվելուն կամ սահմանադրական կարգը բռնի տապալելուն ուղղված հրապարակային կոչերը):




![]()