![]()
«Հանուն հանրապետության» կուսակցության արտաքին գործերի քարտուղար Առնոլ Բլեյանի խոսքով՝ հնարավոր չէ մտնել վեղարի տակ և ասել՝ ես անձեռնմխելի եմ:
Այս մասին նա ասում է «Հայկական ժամանակ»-ի հետ զրույցում՝ անդրադառնալով իրավապահ համակարգի բացահայտումներին, ըստ որի՝ Հայաստանի Հանրապետության դեմ ահաբեկչություն է ծրագրվել, որի կազմակերպիչը եղել է Վազգեն (Բագրատ) Գալաստանյանը:
Վերջինս ուշադրություն է հրավիրում այն հանգամանքին, որ Գարեգին Բ-ն չի հայտարարում, որ ինքը կապ չունի նախապատրաստվող ահաբեկչության հետ, այսինքն՝ օրհնե՞լ է, թե՞ ոչ:
Ըստ զրուցակցի՝ յուրաքանչյուր օր մնալով կաթողիկոսի աթոռին՝ Գարեգին Բ-ն էլ ավելի է մեծ վնաս է հասցնում Եկեղեցու համբավին:
«20 տարի շարունակ մասնակցել է երկրի ուզուրպացիային, օրհնել է Քոչարյանի և Սերժ Սարգսյանի անօրինությունները, ձայն չի հանել, որովհետև փող էր աշխատում»,- ասում է Բլեյանը:
Անդրադառնալով Լևոն Տեր-Պետրոսյանի և Գարեգին Բ-ի հանդիպմանը՝ զրուցակիցն ասում է՝ մի գուցե քննարկում են, թե ինչպե՞ս կաթողիկոսը խաղաղ ձևով հեռանա. «Կաթողիկոսը պետք է ասի՝ «դուք ճիշտ էիք, ես՝ սխալ, հեռանում եմ»:
Ըստ Բլեյանի՝ Լևոն Տեր-Պետրոսյանը բռնել է հակապետական ճանապարհ:
Առավել մանրամասն՝ հարցազրույցում:
![]()