Հույս ունեմ՝ 2026 թվականին Հայաստանը կունենա նոր կաթողիկոս. Արմեն Փամբուխչյան. տեսանյութ

Երևանի փոխքաղաքապետ, «Քաղաքացիական պայմանագիր» կուսակցության վարչության անդամ Արմեն Փամբուխչյանի խոսքով՝ մի քանի տարի է, որ Եկեղեցում եղած արատավոր երևույթների վերաբերյալ բարձրացվում են հարցեր:

Ըստ նրա՝ ներկա պահին բարձրացված հարցը պիտի ստանա պատասխան. հավատացյալները պետք է իմանան՝ կաթողիկոսը երեխան ունի՞, թե՞ ոչ:

Փամբուխչյանը շեշտում է՝ սուտ են այն պնդումները, թե իշխանությունը պատրաստվում է բռնի կերպով հեռացնել կաթողիկոսին: Նրա դիտարկմամբ՝ նման հայտարարություններն արվում են, որպեսզի հանրության շրջանում խղճահարություն առաջացնեն:

Փոխքաղաքապետի նկատառմամբ՝ ընդդիմադիր շրջանակներն են ցանկանում, որ լինեն սադրանքներ, դրա հետևանքով էլ՝ բռնություններ, որ մեղադրեն իշխանությանը:

Վերջինս ասում է՝ իշխանությունը կաթողիկոս նշանակող մարմին չէ, նախկին ռեժիմներն են գուցե իրենց էությամբ եղել կաթողիկոս նշանակող:

Նա հույս է հայտնում, որ 2026 թվականին Հայաստանը կունենա նոր կաթողիկոս:

Առավել մանրամասն՝ «Հայկական ժամանակ»-ի հետ հարցազրույցում:

Loading

Մի մոռացեք կիսվել Ձեր ընկերների հետ