Վարչապետի կինն ու ԱԺ փոխխոսնակն այցելել են հետմահու պարգևատրված ոստիկանի ընտանիքին

Սեպտեմբերի 27-ին ադրբեջանաթուրքական զորքերն ու վարձկան ահաբեկիչները լայնածավալ ռազմական գործողություններ սկսեցին Արցախի Հանրապետության դեմ։ Ազգը բանակ դարձած՝ ոտքի կանգնեց պաշտպանելու հող հայրենին։

Եվ ինչպես Արցախյան առաջին պատերազմում, Ապրիլյան մարտերում, այնպես էլ այս անգամ ոստիկանը զինվոր դարձավ։
Պատերազմի առաջին օրերից ոստիկանության զորքերի շուրջ 3000 ծառայող հերթափոխերով մեկնեց ռազմաճակատ։ Նրանք մասնակցեցին Քարվաճառի, Հաթերքի, Ջրականի, Բերձորի պաշտպանական մարտերին։

Ծանր մարտեր մղեցին հատկապես Շուշի-Լիսագոր ճանապարհի հարակից տարածքում, որոնց ընթացքում ոստիկանության զորքերն ունեցան մեծ կորուստներ։
Պատերազմի ողջ ընթացքում ոստիկանության զորքերից անմահացան 38 ծառայող և վիրավորվեց մոտ չորս տասնյակը։

Ճանաչե՛նք հայրենիքի պաշտպանության համար ընկած մեր բոլոր նահատակներին, հիշե՛նք նրանց անուն առ անուն և շարունակենք նրանց կիսատ թողած գործը։
Ոստիկանության զորքերին միացան և հայրենիքի պաշտպանության սրբազան առաքելությանը լծվեցին նաև ոստիկանության կենտրոնական ապարատի, հատուկ նշանակության վարչության, պարեկապահակետային ծառայության գնդի, մարզային և տարածքային բոլոր ստորաբաժանումների ևս 3200 ծառայող։

Ոստիկանության տեսուչները, օպերլիազորները, համայնքային ոստիկանները, պարեկապահակետայինները և այլ ծառայողներ Ջրականի, Բերձորի, Շուշիի ու Մարտակերտի շրջանի տարբեր հատվածներում էին։
Նրանցից անմահացան 27-ը։ Վիրավորվեց 124 ոստիկան։
Ճանաչենք նրանց և հիշենք անուն առ անուն։

Փա՜ռք հայրենիքի պաշտպանության համար ընկած մեր բոլոր գործընկերներին։
Ցավոք, մինչ այս պահը անհայտ կորած է համարվում ոստիկանության 6 ծառայող։

Loading

Մի մոռացեք կիսվել Ձեր ընկերների հետ