Ազգային ժողովի «Բարգավաճ Հայաստան» խմբակցության պատգամավոր Նաիրա Զոհրաբյանն, անդրադառնալով վարչապետ Նիկոլ Փաշինյանի՝ Սյունիք կատարած այցին, հարց բարձրացրեց՝ իրեն ժողովրդի վարչապետ հորջորջողն ուղղաթիռո՞վ է գյուղից գյուղ ուղևորվում: 24News-ի հետ զրույցում նա նշեց, որ Սիսիանում «մասովկաներ» ապահովելու համար ակտիվ աշխատել է «Իմ քայլը» խմբակցության պատգամավոր Կարեն Համբարձումյանը:
Նախկին ԲՀԿ-ական Համբարձումյանին Զոհրաբյանը զգուշացնում է՝ ամենածանր քրեական հոդվածներով է դատվելու: «Բացի Կարեն Համբարձումյանից Սիսիանում «մասովկաներ» ապահովելու գործում մեծ ներդրում են ունեցել Մեծամորի ատոմակայանի տնօրենը: Ըստ տարբեր լուրերի՝ Վարդենիսի հոգեբուժարանից նույնպես որոշ մարդիկ մասնակցել են սգո երթին»,-ասաց Զոհրաբյանը:
Ըստ ԲՀԿ-ական պատգամավորի՝ Փաշինյանը, Ալիևի ու Էրդողանի հետ Մեծ Թուրանի ծրագիրն է իրականացնում, ինչին կողմ է ժողովրդի շատ փոքրաթիվ, ագրեսիվ հատվածը, որին Զոհրաբյանը «ժեխ» է անվանում: Պատգամավորը վստահեցրեց սակայն՝ ժեխից փրկելու ենք Հայաստանը:
«Նա, ով ասում է՝ Նիկոլը լավ է արել՝ հանձնել է Արցախն ու սպանել 5000 երեխայի, ժեխ է, իսկ հայրենիքի վաճառքի համար պետք է գործի գնդակահարությունը»,- հավելեց մեր զրուցակիցը:
