Հռոմի պապ Ֆրանցիսկոսն արձագանքել է Սիրիայում հայ կաթոլիկ հոգևորական Հովսեփ Բեդոյանի սպանությանը: Պապի թվիթերյան էջում գրառում է արվել.
«Սիրիայի Կամիշլիի հայ կաթոլիկների հետ եմ, նրանք հավաքվել են հուղարկավորելու իրենց հոգևորականին՝ հայր Հովսեփ Բեդոյանին, ում սպանել են հոր հետ միասին: Աղոթում եմ նրանց, նրանց ընտանիքների և Սիրիայի բոլոր քրիստոնյաների համար»:
Հիշեցնենք, որ Սիրիայում հյուսիս-արևելքում անհայտ անձինք կրակել և սպանել են Ղամիշլիի Հայ Կաթողիկե Սուրբ Հովսեփ համայնքի հոգևոր հովիվ Հովսեփ քահանա Պետոյանին և նրա հորը։
«Արևելք»-ը գրում է, որ նրանց սպանել են Դեր Զորում, ուր հովվապետը մեկնել էր այցելելու մի քանի հայ ընտանիքների՝ մարդասիրական օգնության համար։
Սպանության դրդապատճառները դեռ հայտնի չեն։
