Ադրբեջանում նախօրեին ուշագրավ պատահար է տեղի ունեցել:
Արտակարգ իրավիճակների նախարարության թեժ գծին տեղեկություն է ստացվել Բաքվի Սուրախանի շրջանում քաղաքացու անօգնական վիճակում հայտնվելու մասին։
Դեպքի վայր մեկնած խումբը պարզել է, որ քաղաքացին մասնավոր բնակավայրում վերանորոգում է կատարել 2 մետր խորությամբ և 1,5 մետր տրամագծով ջրի բաքում և մնացել է բաքի մեջ՝ չկարողանալով գլուխը հանելլ ու դուրս գալ:
Փրկարարները հատուկ տեխնիկայի օգնությամբ կտրել են ջրի բաքը և դուրս բերել 38-ամյա տղամարդուն: