«Անընդունելի է հանրային, քաղաքական կամ պետական գործչի գործունեությունից դժգոհ լինելով վիրավորել կամ հալածել նրա ընտանիքի անդամներին»:
Այս մասին «Ֆեյսբուք»-ի իր էջում գրել է «Իրազեկ քաղաքացիների միավորում» ՀԿ համակարգող Դանիել Իոաննիսյանը՝ նշելով, որ ամեն մարդ ինքն է ընտրում իր կյանքը։
«Ամեն մարդ ինքն է պատասխան տալիս իր քայլերի հանար։ Անգամ եթե մարդ սխալ կամ վատ բաներ է անում` դրանց համար միայն ինքն է պատասխան տալիս։
Ընտանիքի անդամի հասցեին, ըստ իս, վիրավանքներ են հնչեցնում նրանք, որոնք ոչ քննադատության փաստարկներ ունեն և ոչ էլ դաստիրակություն։
Հ.Գ. Ի վերջո, Ծիծեռնակաբերդում Փաշինյանի կնոջն ու երեխային վիրավորողները չէին ուզենա, որ այդ վիրավորանքը հասցնելու համար իրենց ընտանիքները պատասխանատվություն կրեին, չէ՞։ Բա ինչի՞ են Փաշինյանից դժգոհությունը նրա ընտանիքից հանում»,-գրել է նա:
Ինչպես հայտնել ենք, Աննա Հակոբյանը դստեր՝ Արփիի հետ այցելել էր Ծիծեռնակաբերդի հուշահամալիր, որտեղ «Ազգային ժողովրդական բևռի» անդամները սանձարձակ վարք էին դրսևորել:
Հաշվի չառնելով օրվա խորհուրդը և վարչապետի դստեր տարիքը՝ նրանք հուշահամալիրի տարածքում սկսել էին վիրավորող արտահայտություններ հնչեցնել:
