Քաղաքագետ Ստյոպա Սաֆարյանը «Ֆեյսբուք»-ի իր էջում անդրադարձել է Մայր Աթոռի կողմից Տավուշի գյուղերի վերաբերյալ հայտարարությանը։
«Մդա.. Մայր Աթոռի հաղորդագրությունն էլ չէի կարդացել «Տավուշի հողերը հանձնելու» մասին…
3 անգամ կարդացել եմ, որպեսզի հավաստիանամ, որ ճիշտ եմ հասկացել…. Մի 24 ժամ էլ դեռ կմտածեմ, թե ինչու չեն ասել այն, ինչը տավուշցին ու Հայաստանցին են ուզում, և ասել են այն, ինչ Պուտինն ու Ալիևն են հաշվարկում…
Փաստորեն ԼՔ & Co-ի ու Եկեղեցու սինխրոն ակտիվացումն այնքան էլ պատահական չէր…
Եթե տավուշցիներս տեղում ժողովրդի առողջ ու արդար ընդդիմախոսության առաջնորդումը թողեցինք սրանց հույսին, այլևս կասկած չունեմ, որ մեզ էլ սպասվելու է Արցախի ճակատագիրը…
Շուտով լայվ՝ ավելի շատ փակագծեր բացելով»,- ասված է գրառման մեջ։
Ավելի վաղ Մայր Աթոռը հաղորդագրություն էր տարածել՝ մասնավորապես նշելով, թե «վերջին շրջանի զարգացումները այլևս կասկած չեն թողնում, որ Հայաստանի իշխանությունները Արցախի լիակատար հայաթափման և ՀՀ տարածքների բռնազավթման պայմաններում, տեղի տալով Ադրբեջանից հնչող սպառնալիքներին, պատրաստվում են վերջինիս հանձնել Տավուշի մարզից տարածքներ նախքան ենթադրվող սահմանազատումն ու սահմանագծումը»։
