Ռազմատեխնիկական տեսանկյունից Ռուսաստանը պատրաստ է միջուկային պատերազմի, բայց ուկրաինական հակամարտության ժամանակ միջուկային զենք կիրառելու մտադրություն չուներ։ Այս մասին նախագահ Վլադիմիր Պուտինը հայտարարել է РИА Новости-ի գործակալության ղեկավար Դմիտրի Կիսելյովին տված հարցազրույցում։ Հարցազրույցը, որն անցկացվել է մարտի 12-ին, հրապարակվել է չորեքշաբթի Կրեմլի կայքում։
Կիսելյովը փորձել է ճշտել միջուկային պատերազմին պատրաստ լինելու մասին՝ վկայակոչելով արմատական պահպանողական փիլիսոփա Ալեքսանդր Դուգինին, որը ուղղակիորեն կոչ է անում նախապատրաստվել դրան։
Պուտինը չի մեկնաբանել Դուգինի տեսակետները, սակայն ասել է, որ ռուսական բանակը պատրաստ է նման պատերազմի, իսկ նրա միջուկային ուժերը գտնվում են բարձր պատրաստվածության վիճակում։ Պուտինը նաև անվանել է ռուսական միջուկային եռյակն ավելի ժամանակակից, քան ԱՄՆ-ինը:
