Կենտրոնական ընտրական հանձնաժողովը ստացել է Երևանի ավագանու 2 անդամի լիազորությունները վաղաժամ դադարեցնելու 2 արձանագրություն։
Դրանք քննարկվել են նոյեմբերի 20-ի արտահերթ նիստում։
Երևանի ավագանու անդամներ Թաթուլ Պետրոսյանի և Անդրանիկ Թևանյանի լիազորությունները վաղաժամկետ դադարել են և մանդատները փոխանցվել են «Մայր Հայաստան» կուսակցությունների դաշինքի ընտրական ցուցակի հերթական հաջորդ թեկնածուներ Աննա Ռաֆիկի Ավետիսյանին և Արշակ Աշոտի Սարգսյանին։
Հիշեցնենք՝ նոյեմբերի 16-ին «Մայր Հայաստան» դաշինքի առաջնորդ Անդրանիկ Թևանյանը վայր էր դրել ավագանու անդամի մանդատը։
Ավելի վաղ՝ նոյեմբերի 13-ին «Մայր Հայաստան» դաշինքի ավագանու թեկնածուն Թաթուլ Պետրոսյանն էր հրաժարվել մանդատից։