Ադրբեջանի արտգործնախարար Ջեյհուն Բայրամովը Իրանի գործընկերոջը` Հոսեյն Ամիր Աբդոլլահիանին հրավիրել է մասնակցելու Չմիավորման շարժման գագաթնաժողովին, որը կայանալու է Բաքվում։ Այս մասին հայտնում է իրանական «Մեհր» գործակալությունը։
Ըստ աղբյուրի՝ Իրանի ԱԳՆ խոսնակը նշել է, որ գագաթնաժողովը Թեհրանի համար կարևոր նշանակություն ունի, և ԱԳ նախարարը կգլխավորի բարձրաստիճան պատվիրակությունը։
«Թեհրանի և Բաքվի միջև հարաբերությունների մթնոլորտը դրական է այն դիվանագիտական քայլերից հետո, որոնք ձեռնարկվել են»,-ասել է Նասեր Քանանին։
Նրա խոսքով` Ամիր Աբդոլլահիանը Բաքվում երկկողմ հանդիպում կունենա ադրբեջանցի գործընկերոջ` Ջեյհուն Բայրամովի հետ։
