ՆԱՏՕ-ի դաշնակիցները հրաժարվել են խաղաղապահ առաքելություն ուղարկել Ուկրաինա, սակայն խոստացել են շարունակել զենքի մատակարարումները, տեղեկացնում է AFP-ն։
Ինչպես հաղորդվում է՝ Լեհաստանի փոխվարչապետ Յարոսլավ Կաչինսկին առաջարկել է խաղաղապահ ուժեր տեղակայել Ուկրաինայում՝ մարդասիրական օգնություն ցուցաբերելու համար։
Էստոնիայի պաշտպանության նախարար Կալե Լաանետն ասել է, որ խաղաղապահ առաքելությունը ՛՛հնարավորություններից մեկն է, եւ, իհարկե, պետք է դիտարկել բոլոր հնարավորությունները, որոնք կարող են օգնել Ուկրաինային՛՛: Սակայն, նրա խոսքով, տեղակայման համար կպահանջվի ՄԱԿ-ի Անվտանգության խորհրդի աջակցությունը, որտեղ Ռուսաստանը վետոյի իրավունք ունի:
Նիդեռլանդների պաշտպանության նախարար Կայսա Օլոնգրենն էլ ասել է, որ այդ մասին դեռ վաղ է խոսել:
