ՀՀ գլխավոր դատախազ Արթուր Դավթյանը մեկնում է Ռուսաստանի Դաշնություն. որոշումը ստորագրել է վարչապետի պաշտոնակատար Նիկոլ Փաշինյանը։
Արթուր Դավթյանի հետ միասին՝ ՌԴ կմեկնեն գլխավոր դատախազության միջազգային-իրավական համագործակցության վարչության պետ Եղիազար Ավագյանը և Հայաստանի Հանրապետության գլխավոր դատախազի խորհրդական Արթուր Բաղդասարյանը։
Նրանք ՌԴ են մեկնում՝ մասնակցելու Սանկտ Պետերբուրգի միջազգային տնտեսական համաժողովին, հանդիպելու Ռուսաստանի Դաշնության գլխավոր դատախազ Իգոր Կրասնովին։
