Կայացել է COP17-ի կազմակերպման և անցկացման նպատակով ստեղծված կազմկոմիտեի հերթական նիստը։
«Համաժողովի մեկնարկին ամիսներ են մնացել․ քննարկեցինք նախապատրաստական աշխատանքների ընթացքն ու առաջիկա անելիքները՝ կենտրոնանալով կազմակերպչական մի շարք առանցքային ուղղությունների վրա։
Անդրադարձ կատարվեց բարձր մակարդակի հատվածի և առաջնորդների գագաթնաժողովի կազմակերպմանը, կապույտ և կանաչ գոտիների նախապատրաստական աշխատանքներին, համաժողովի անցկացման վայրերում իրականացվող ենթակառուցվածքային և տեխնիկական աշխատանքներին, էներգամատակարարման ապահովմանը, ճանապարհային և տրանսպորտային ենթակառուցվածքների պատրաստվածությանը, ինչպես նաև առողջապահական անվտանգության և բժշկական սպասարկման կազմակերպման հարցերին։
COP17-ի հաջող անցկացումը պահանջում է համակարգված և հետևողական աշխատանք բոլոր ներգրավված կառույցների միջև։
Վստահ եմ, որ համատեղ ջանքերով կապահովենք միջազգային ամենաբարձր չափանիշներին համապատասխան համաժողովի կազմակերպումն ու անցկացումը»,- սոցցանցի իր էջում գրել է ՇՄ նախարար Համբարձում Մաթևոսյանը։
