Այսօր՝ հուլիսի 5-ին, արտակարգ դեպք է տեղի ունեցել Երևանում։ Ժամը 06:30-ի սահմաններում ՆԳՆ տեղեկություններն են ստացվել, որ իրենց կողմից սպասարկվող տարածքի շենքերից մեկում երիտասարդ աղջիկը սպառնում է վերջ տալ իր կյանքին։
Ինչպես հայտնում է Գագիկ Շամշյանը, նախ քաղաքացիները, ապա համայնքային ոստիկաններն ու փրկարարները կարողանում են համոզել նրան, որպեսզի այդ ծայրահեղ քայլին չդիմի, ինչը հաջողվում է նրանց։
Դեպքի փաստով ոստիկանության Արաբկիրի բաժնում փաստաթղթեր են կազմվել, որոնք փոխանցվել են ՀՀ քննչական կոմիտեի Երևան քաղաքի քննչական վարչության Արաբկիրի քննչական բաժին։ Ֆոտոլրագրողի տեղեկություններով՝ պատճառն անձնական է։
