ՆԳ նախարար Արփինե Սարգսյանը հունիսի 16-ին այցելել է ՆԳՆ կրթահամալիր՝ հետևելու ուսանողների կացարանային նոր մասնաշենքի շինարարական աշխատանքների ավարտական փուլին։
ՆԳ նախարարի տեղակալ Արմեն Մկրտչյանի և Կրթահամալիրի ռեկտոր Մանուկ Մուրադյանի ուղեկցությամբ Արփինե Սարգսյանը շրջել է նորակառույց կացարանի տարածքում, ծանոթացել արդեն իրականացված և ընթացիկ աշխատանքներին։
Այցի շրջանակում Արփինե Սարգսյանը ներկա է գտնվել նաև ապագա պարեկների ուսումնական գործընթացին։ Նա զրուցել է սովորողների հետ, ծանոթացել նրանց կատարած առաջադրանքներին և մասնակցել դասապրոցեսին։
