«Պաշտպան հայրենյաց» ազգային-մշակութային հիմնադրամի նախագահ, պատմաբան Գագիկ Սաֆարյանը կարծում է, որ Սահմանադրական դատարան առաջին հերթին «Քաղաքացիական պայմանագիր» կուսակցությունը պետք է դիմի Ռոբերտ Քոչարյանի, Սամվել Կարապետյանի և Գագիկ Ծառուկյանի կողմից խայտառակ մասշտաբների կաշառք բաժանելու համար:
Ըստ նրա՝ այս ուժերը մեր ժողովրդին կրկին փորձեցին նետել մուրացկանության և անբարոյականության դաշտ:
«Պետականաքանդ ուժեր են, այլասերված մարդիկ: Նողկալի է նրանց ներգրավվածությունը խորհրդարանում: Սելը ճռալու փոխարեն սելվորն է ճռում: Նրանց բոլորի տեղը քրեակատարողական հիմնարկն է, այլ բան նրանց համար նախատեսված չէ»,- ասում է նա:
Սաֆարյանի խոսքով՝ ՌԴ բարձր պաշտոնյաները ուզում են Հայաստանում վերակենդանացնել քրեաօլիգարխիան, մարդասպաններին բերել իշխանության:
«Նիկոլ Փաշինյանը տղամարդու պես կանգնել է մեր ժողովրդի ու պետության գլխին, որ չդառնանք գաղութ ու գուբերնիա: Մեր ժողովուրդն էլ ոչ ասաց պետության կործանմանը»,- շեշտում է նա:
Առավել մանրամասն՝ «Հայկական ժամանակ»-ի հետ հարցազրույցում:
