ՀԷՑ-ի տնօրենի նախկին պաշտոնակատար, «Ուժեղ Հայաստան» դաշինքի պատգամավորի թեկնածու Դավիթ Ղազինյանը ձերբակալվել է :
Այս մասին տեղեկությունը «Հայկական ժամանակ»-ի հարցմանն ի պատասխան հաստատել են Հակակոռուպցիոն կոմիտեից՝ հայտնելով, որ Ղազինյանը ձերբակալվել է ընտրակաշառք տալու նախապատրաստության մեղադրանքով:
Ավելի վաղ Հակակոռուպցիոն կոմիտեն դիմել էր ՀՀ գլխավոր դատախազություն՝ պատգամավորի թեկնածու գրանցված Դավիթ Ղազինյանին անձեռնմխելիությունից զրկելու նպատակով ԿԸՀ միջնորդություն ներկայացնելու համար։
ԿԸՀ-ն բավարարել է Դավիթ Ղազինյանի դեմ ներկայացրած դատախազության միջնորդությունը
Հիշեցնենք, որ ըստ ՀՀ հակակոռուպցիոն կոմիտեի՝ փաստական տվյալներ են ստացվել այն մասին, որ Դավիթ Ղազինյանը համակիրների հետ նախնական համաձայնությամբ ընտրողներին կաշառք է տվել։
