Ռոսպոտրեբնադզորը ժամանակավոր սանիտարական միջոց է կիրառել՝ Ռուսաստանի Դաշնության տարածք «Ջերմուկ» հանքային ջրի բոլոր խմբաքանակների ներմուծումն ու շրջանառությունը կասեցնելով:
Այս մասին հաղորդում է РИА Новости-ն՝ հղում անելով գերատեսչության հաղորդագրությանը։
«Ռոսպոտրեբնադզորը ժամանակավոր սանիտարական միջոց է սահմանել՝ կասեցնելով «Ջերմուկ» հանքային ջրի բոլոր խմբաքանակների ներմուծումն ու շրջանառությունը Ռուսաստանում։ Նշված արտադրանքը չի համապատասխանում մակնշման մեջ նշված տեղեկությանը… արտադրանքի բուժիչ հատկությունների վերաբերյալ մոլորության մեջ գցելը կարող է հանգեցնել ոչ արդյունավետ բուժման և առողջության վատթարացման»,- պնդում է գերատեսչությունը իր հաղորդագրության մեջ։
Ռոսպոտրեբնադզորը համապատասխան ծանուցումներ է ուղարկել նաև Եվրասիական տնտեսական հանձնաժողով և Եվրասիական տնտեսական միության անդամ պետությունների լիազոր մարմիններին։
