«Էս ի՞նչ շարժ ա, ոնց որ «Պտտվիր կյանքի կարուսել» երգը լինի, գալիս են պտտվում, գնում են, պտտվում, գնում են»:
Այս մասին ԱԺ-ում իր խոսքի սկզբում հարց ուղղեց ՀՀ վարչապետ Նիկոլ Փաշինյանը՝ խոսելով ընդդիմադիրների՝ ԱԺ դահլիճ ելումուտի մասին:
ԱԺ փոխխոսնակ Ռուբեն Ռուբինյանը պարզաբանեց, թե ընդդիմադիրները պարբերաբար չեն մասնակցում նիստերին, բայց գրանցվում են, որ աշխատավարձից պահում չլինի, որովհետև եթե չեն գրանցվում, աշխատավարձ չեն ստանում:
«Գրանցվում են, որպեսզի աշխատավարձ ստանան, բայց գնում են, որ չմասնակցեն նիստերին, մենք 5 տարի է՝ էդ շարժն ենք նայում»,- ասաց Ռուբինյանը:
«Հա բա ճիշտ են անում, եկեք գրանցվեք, գնացեք, ժողովո՛ւրդ ջան, չեք խանգարում ընդհանրապես, եկեք գրանցվեք, վարկ-մարկ կունենաք փակելու, բենզինի գինն է թանկացել, էլ չեմ խոսում՝ գնաճի մասին եք ասում»,- ընդդիմադիրներին կոչ արեց Նիկոլ Փաշինյանը՝ հավելելով, թե 2 ամիս մնաց:
Առավել մանրամասն՝ տեսանյութում:
