Ժաննա Անդրեասյանը ՌԴ-ում հանդիպել է Ռուսաստանի սպորտի նախարարի հետ․ ստորագրվել է 2027 թվականի միջոցառումների ծրագիրը

ԿԳՄՍ նախարար Ժաննա Անդրեասյանը Ռուսաստանի Դաշնություն կատարած աշխատանքային այցի շրջանակում հանդիպել է ՌԴ սպորտի նախարար Միխայիլ Դեգտյարևի հետ։

Հանդիպման ընթացքում քննարկվել են ֆիզիկական կուլտուրայի և սպորտի ոլորտներում երկկողմ համագործակցության ընդլայնմանը, մասնագիտական կապերի ամրապնդմանը և համատեղ նախաձեռնությունների իրականացմանը վերաբերող հարցեր։

Հանդիպման ավարտին կողմերը ստորագրել են «Հայաստանի Հանրապետության և Ռուսաստանի Դաշնության միջև ֆիզիկական կուլտուրայի և սպորտի ոլորտում համագործակցության զարգացման 2027 թվականի միջոցառումների ծրագիրը»։