Ֆրանսիայի նախագահ Էմանուել Մակրոնը հեռախոսազրույց է ունեցել Ղազախստանի նախագահ Կասիմ-Ժոմարտ Տոկաևի հետ։ Այս մասին Մակրոնը գրել է X-ի իր էջում։
Ֆրանսիայի նախագահը նշել է, որ Տոկաևի հետ քննարկել է ռազմավարական գործընկերության ամրապնդումը, մասնավորապես՝ տրանսպորտի և էներգետիկայի ոլորտներում։
Բացի դրանից՝ առաջնորդներն անդրադարձել են միջազգային օրակարգին, այդ թվում՝ Ռուսաստանի կողմից Ուկրաինայում ծավալվող պատերազմին և Հարավային Կովկասի շուրջ ընթացող բանակցություններին։
