Երևանի ընդհանուր իրավասության դատարանը դատավոր Կարեն Ֆարխոյանի նախագահությամբ հրապարակել է 31 շաբաթական հղի Սոնա Մնացականյանին մահացու վրաերթի ենթարկելու գործով դատավճիռը։
Մեքենայի հարվածից մահացած հղի կնոջ՝ Սոնա Մնացականյանի գործով մեղադրյալ Արամ Նավասարդյանը դատապարտվեց 1.6 տարի ազատազրկման՝ ճանապարհային կանոնների խախտմամբ մահվան ելքով վրաերթի և դեպքի վայրը լքելու համար:
Որպես լրացուցիչ պատիժ նշանակվել է տրանսպորտային միջոցներ վարելու իրավունքից զրկումը նույնքան 1.6 տարի ժամկետով։
Նախքան դատական վճռի ուժի մեջ մտնելը՝ Արամ Նավասարդյանի նկատմամբ կիրառված խափանման միջոցը կմնա անփոփոխ։
Հիշեցնենք՝ 2022 թ. ապրիլի 26-ին՝ ժամը 18։05-ի սահմաններում, Ճանապարհային ոստիկանության «Տոյոտա» մակնիշի ավտոմեքենան Լեո-Պարոնյան խաչմերուկին մահացու վրաերթի էր ենթարկել 28-ամյա հղի կնոջը։
Սոնա Մնացականյանը տեղափոխվել էր «Նաիրի» հիվանդանոց, որտեղ գիտակցության չգալով՝ մահացել էր։
ՃՈ հրամանատարի մեղավորությունը հաստատվել է նախաքննությամբ:
