Երևանի քաղաքապետ Տիգրան Ավինյանը օգոստոսի 11-ին որոշում է ստորագրել, որով Արամ Ազատյանն ազատվել է Երևանի Արաբկիր վարչական շրջանի ղեկավարի պաշտոնից։
Ավելի վաղ հայտնել էինք, որ մեկ տարի առաջ կալանավորված Արաբկիրի թաղապետ Արամ Ազատյանը օգոստոսի 6-ին վերադարձել է աշխատանքի։
Տեղեկությունը հաստատել էր Երևանի քաղաքապետի մամուլի քարտուղար Հայկ Կոստանյանը։ Ազատյանի պաշտպան Արթուր Պիվազյանը հայտնել էր, որ իր պաշտպանյալի նկատմամբ կիրառվել են վարչական հսկողություն, գրավ և բացակայելու արգելք խափանման միջոցները։
Արամ Ազատյանը մեղադրվում է պաշտոնեական դիրքի չարաշահման, կաշառք ստանալու համար։
